韓東子 (已結業)

之前行过嘉兰围见到佢装修已经开始留意,因为个格局极似于韩国的烧烤店,早几日行过见到已经开始做紧生意。今晚约了表妹食饭而她亦想食韩国烧烤就即刻想起这里...入到去个环境真系好似韩国本土烧烤店,坐低之后见到周围都系韩国人,只有我们两个香港人而侍应大部分亦是韩国人,感觉真系好似去了韩国一样。我们叫了烤猪皮﹑烤猪颈肉﹑海鲜豆腐辣汤,因为我们只有两个人怕食唔到咁多。烤猪皮经店舖处理好及腌过,烧熟后口感似橡皮糖加埋黄豆粉甜甜的很特别,我系韩国已经食过而表妹就第一次食感觉亦都良好。烤猪颈肉跟我们平时见到的猪颈肉不同,猪肉本身没有腌过烧熟后仍然食到很香猪肉味,唔错。而个海鲜豆腐辣汤唔系好辣汤入面见到有蚬味道唔错,个汤跟一碗饭及水泡菜,食得出系珍珠米一样好味,而水泡菜在香港比较少见。呢度最好系跟韩国一样无限添加前菜(只系得泡菜﹑椰菜花同薯丝三款)﹑辣椒﹑蒜片﹑生菜﹑芝麻叶﹑面豉酱~因为今日新开张佢送咗个不知名猪肉冻,好好食~ 如果之后餐牌有会再叫。仲有一碟彩色韩式米糕都好好味,之后问过韩国朋友这两个都系韩国人特别日子先会食的。另外仲有一份4个糕点可以带走,又系新开张送我们一人一份。埋单之后老板娘竟然又送