狎鷗亭居酒屋

营业中

休息中

喺诺士佛台除咗有酒吧之外，亦都有唔少嘅餐厅，今日就去咗一间食韩国嘅餐厅🇰🇷，职员都系韩国人🇰🇷🇰🇷，装修都系韩国风，一定系好正宗🇰🇷🇰🇷🇰🇷。话晒都嚟到诺士佛台，当然要叫酒饮啦，我同朋友一齐share咗一支生米酒🍶，佢系有气嘅米酒，职员会教我哋摇一摇先饮，果然将米浆同酒混合咗🌾，系一种比较浓稠同埋有米甜味嘅一种米酒🍚，好特别平时好少见，推介大家嚟试吓（不过慢慢饮，好易上头🤣）✨野菜牛肉卷(半熟)✨🥩难得嚟到正宗嘅韩国餐厅，一定食一啲平时少见嘅菜式🤩。首先就叫咗半熟牛肉卷，职员教一教我点样去卷然后我哋就自己继续做。半熟嘅牛肉好有牛肉味，一啲都唔韧，连埋配菜食🥗，好似食紧牛肉味嘅生菜包咁😋。✨鱼卵汤✨🐟呢个真系平时喺香港冇见过，好多鱼春、鱼子嘅一个火锅♨️，我哋两个人食其实个份量比较多，可能三至四人会好啲😍。因为好多鱼春同鱼子，食几嚿已经系开始有啲饱肚😝。佢地吸晒汤汁嘅味道，唔会话好辣🌶️，亦都唔腥🫡；鱼子好弹牙好似食完鱼蛋咁🏐；而鱼春就一粒一粒，好似食紧浓郁嘅蛋黄咁🥚，系一道对我嚟讲好新奇嘅菜式。今次真系完全满足左我哋呢啲平时好少去韩国，又想食韩国食物嘅人🤪，见到职员都好努力用英文同我哋沟通