喜來稀肉 (已結業)

今日又来到喜来稀肉食饭啦 呢间烧肉店我已经食咗好多年 水准一直保持到 今次系第一次嚟旺角店 一入到去感觉好似去咗韩国咁！ 装修有少少工业风 烧烤炉座位设计装饰非常有韩国feel～ 今晚两个人我哋点左济州猪腩肉同埋肉眼两款肉食 济州猪腩肉比一般普通猪肉好食好多 肉味好浓郁 入口弹牙 油脂香溢 而且仲好厚切添！ 肉眼扒就真系成旧肉眼咁上 成块咁样先熟咗之后再剪开一嚿嚿去食 牛肉都系真材实料 油脂分配平均 ！最后梗系唔少得不停食有refill 嘅芝士蛋同埋泡菜蛋～捞饭超级正呢度嘅配菜好开胃～朋友仲将烧肉配埋生菜加啲酱汁整个生菜包 好正啊同朋友开心吹水烤肉的一个晚上就此作结