梨滿園韓國料理 (已結業)

好耐冇食韩国嘢，所以同朋友book咗呢度食饭。装修正常，好有一般韩国餐厅嘅风味👍🏻我哋两个人叫咗一个牛肉芝士石头锅饭同埋牛肉寿司卷👍🏻牛肉芝士石头锅饭味道好好，入面嘅配料都非常之多，一啲都唔马虎，芝士嘅份量好足够，捞完个饭之后每一粒饭都会有芝士系上面，仲做到拉丝嘅效果，超级邪恶又吸引😆再加埋啲辣酱落去一齐食，成个味道都好丰富，入面嘅牛肉本身都腌好咗，甜甜地配埋个饭一齐食味道好好。不得不提嘅系个石头锅热到好足够，就算啲饭已经摆咗十几至20分钟，食嘅时候都仲系好热，抵赞👍🏻牛肉寿司卷味道亦都好好，入面有牛肉黄瓜萝卜青瓜等等，非常丰富，食入去嘅时候蔬菜嘅脆同埋牛肉嘅软熟加埋一齐口感唔错，牛肉有腌制过所以味道都好足够。不得不赞嘅系呢度啲侍应服务态度都好好，会好贴心咁问我哋需唔需要豉油Wasabi，又会提我地加啲辣酱落石头锅饭会好食啲，或者同咩配菜一齐食会冇咁腻，非常抵赞😆