烏蠅館 (新都城中心二期) (已結業)

朋友话宝琳有间烤鱼整得好出色，但系位置比较隐蔽，唔系咁容易揾到，所以今晚就带我一探究竟！餐厅系近新都城戏院附近，舖头位置唔算好多，但系尚算阔落。招牌香辣海鲈鱼🐟喺三款鱼入面，我哋就拣咗海鲈鱼，贪佢比较少幼骨，可以大啖大啖咁食啲鱼肉。而口味方面，就拣咗招牌香辣口味，辣到就拣咗最少，以我哋唔算太食得辣嚟讲，呢个口味就啱啱好，推介！来食烤鱼又点可以唔买下啲配菜呢，我哋拣咗几款，包括：饺类双并🥟，喺四款饺类入面拣咗鲜虾云吞同粒粒粟米饺，食得出系自家制，馅料好足，而且材料新鲜，值得一试！黑柏叶🌪️，估唔到份量咁多，喺出面多数都系食到白色𠮶款，而呢款就算渌耐咗都唔会好韧，赞！四川宽粉🍜宽粉喺平时四川菜入面都好常见，我就钟意佢嘅口感烟烟韧韧，饱肚得来又可以索晒啲汤，超正。白桃寒天绿茶🧃黑糖雪燕鲜奶🧋估唔到呢度嘅首条饮品有几出色，就好似喺出边饮到嘅台式饮品一样，可以有唔同配搭，而且配料就更特别，例如有冰粉、雪耳、桃胶等等。