影片
更多
2021-05-21
2255 浏览
位于旺角上海街既苏妈.苏妈餐室，主打马来西亚风味菜式，由旺角站A出口或C出口行去餐室都只系2-3分钟左右，非常方便。今晚就由小编与老公努力试试先。餐室位于活化建筑群内，由于有大光灯关系，门口非常清晰辨认到，而且门口两旁挂起既两副对联，尽情展示佢地既拿手菜式。试想像咁直接推荐佢地既食品，足以证明佢地制作食物上既信心。「串烧 肉骨茶 椰浆饭 样样好食」「拉茶 白咖啡 桔仔冰 杯杯好饮」可能系因为活化建筑群关系，入面既装修都系以数十年前既地道怀旧风味为主，不论响枱上既筷子筒﹑柱上既挂画﹑甚至墙上挂有以前穿梭大街小巷既单车。虽然坐位每两人就设置间板下会比较挤迫，但店员都会贴心既尽量响附近揾未有既櫈以方便你去放袋，同时令你用餐既体验可以增强。 餐单内食物种类繁多，大致分为肉骨茶类﹑汤面类(喇沙﹑咖哩面)﹑椰浆饭类﹑小食类及饮品类。(而小食类为今次小编推介，因为款式多而贴近于星马街头所见到既小食款式，下面再详尽介绍)本身小编呢排努力揾食关系，胃口上都差左，但去到呢间餐室门口而闻到肉骨茶味个阵，为食模式又再次启动喇。与老公一齐晚饭关系，所以都忍唔住叫左5款食物+1杯饮品共享：1) 肉骨茶(棒棒骨)
餐室位于活化建筑群内，由于有大光灯关系，门口非常清晰辨认到，而且门口两旁挂起既两副对联，尽情展示佢地既拿手菜式。试想像咁直接推荐佢地既食品，足以证明佢地制作食物上既信心。
「串烧 肉骨茶 椰浆饭 样样好食」
「拉茶 白咖啡 桔仔冰 杯杯好饮」
可能系因为活化建筑群关系，入面既装修都系以数十年前既地道怀旧风味为主，不论响枱上既筷子筒﹑柱上既挂画﹑甚至墙上挂有以前穿梭大街小巷既单车。
虽然坐位每两人就设置间板下会比较挤迫，但店员都会贴心既尽量响附近揾未有既櫈以方便你去放袋，同时令你用餐既体验可以增强。 餐单内食物种类繁多，大致分为肉骨茶类﹑汤面类(喇沙﹑咖哩面)﹑椰浆饭类﹑小食类及饮品类。(而小食类为今次小编推介，因为款式多而贴近于星马街头所见到既小食款式，下面再详尽介绍)
本身小编呢排努力揾食关系，胃口上都差左，但去到呢间餐室门口而闻到肉骨茶味个阵，为食模式又再次启动喇。与老公一齐晚饭关系，所以都忍唔住叫左5款食物+1杯饮品共享：
1) 肉骨茶(棒棒骨) ($84)：当你点菜既菜单有肉骨茶的话，店员佢地就会即刻响柱边拎起预热既肉骨茶水壶，并每人奉上1碗肉骨茶汤俾你享用。热辣辣既肉骨茶药材味唔算太浓，小编就觉得以淡药材味而肉汤味为主会较易令人接受。同时当你饮到1半左右个阵，真正内有配料既肉骨茶就奉上到你枱面喇! 肉骨茶内有3条棒棒骨﹑6-8旧豆卜﹑以及1小札既金菇。棒棒骨唔算煮得太淋，所以食个阵仍然有肉味 (但当然唔好以为会有阵阵既鲜肉味)，但坦白讲因为棒棒骨无咩肉骨茶味，似乎唔系长期浸于茶内既感觉。 但热辣辣既话真系好开胃，推荐!
2) 汤咖哩米通粉 ($55)：米通粉与平时通心粉唔同 - 米通粉会比较长身而接近韩式年糕既长度，但又比韩式年糕为短，所以与咖哩汤一齐食就会令每粒通粉都渗入到咖哩汤既香味。可能系因为汤咖哩既关系，所以咖哩会比较淡味，而配料上有鱼饼﹑豆卜﹑腐皮卷，都系比较淡口既菜式。所以饮完肉骨茶再食米通粉个阵，会稍为令人觉得太淡口。不过鱼饼滑身所以好味，豆卜就当然渗入咖哩汤而香口，腐皮卷就不经煎香而原条直接放于汤内，所以比较淡口。
3) 海南鸳鸯烧面包 ($38)：其实于餐单内同时间有两款多士 (另一款为咖央多)可以选择，但见到鸳鸯烧面包既字头就当然试试啦! 鸳鸯烧面包上碟后，小编理解到既系咖啡多士配咖央酱及鲜牛油。唔好以为换成咖啡包面味道会差唔多，但其实食落去咖央味会更强。当然趁热食既时候，多士仍然保持脆感，同时牛油因为咖央酱「保护」住出面面包既热力而唔会即刻溶解。
4) 鱼仔酱捞啦啦 ($48)：捞啦啦呢个字响餐单睇到个阵觉得好得意，但原来啦啦(La La)响马来西亚文就系解蚬类食品 (就好似餐单内辣死你吗 (Nasi Lemak)就系解椰浆饭。所以用鱼仔酱去捞新鲜煮熟既蚬仔个阵，食起黎就好有鲜味 (小编就觉得避免鱼仔会抢去蚬味，最多只可以1条鱼仔配1只蚬咁食)。
5) 玻璃鱿鱼配通菜 ($52)：享有完肉类食品后，都要食少少菜类食品吧! 马来西亚既通菜相关菜式不嬲都系高质素既，而呢款玻璃鱿鱼配通菜就将通菜煮熟，中间放入6-7件切粒鱿鱼，再淋上辣油，所以食个阵最好用鱿鱼拌菜咁食，否则分开食既话就会因为一啖淡口一啖辣口而觉得好唔惯吧!
6) 椰汁斑兰冰 ($33)：用椰汁口味为主，再加入斑兰酱去加色，再现以中粒尺寸西米于底部增强口感。味道黎讲偏浓，但用黎解腻既话都系好选择!
原本仲想点更多饮品 (包括拉茶等)试试，但2个人享用5款菜式已经太饱了，还望下次经过其他分店个阵再享受多次肉骨茶同其他饮品吧! 小编相对比较少享受星马菜，但如果以体验过既肉骨茶质素去考虑，苏妈.苏妈真系值得推荐俾大家去试试!
(按: 人均消费$155只系因为小编与老公太为食而点了比能力多既食物，人均价我相信$100都应该会食得好饱吧)
题外话/补充资料：
用餐过程中听到附近既情侣提及今次用餐既目的系"海南鸡饭"，即刻回忆起，食海南鸡饭就当然唔系去海南岛，而系响正宗既星马菜餐厅啦!
(以上食记乃用户个人意见 , 并不代表OpenRice之观点。)
张贴
