Village Malaysian and Indian Restaurant

营业中

休息中

今日秋高气爽一于去西贡行吓，西贡码头一带人头涌涌，向普通道大马路方向行，见到一间乡村餐厅，英文意思系印度及马来西亚餐厅，餐厅有室内亦有室外座位，我同大部分客人一样选择坐室外，又可睇吓风景同吸收新鲜空气。马来拼盘有炸虾饼、春卷、炸洋葱球、沙嗲串烧鸡同咖哩蔬菜球，虾饼好香有鲜虾味，弹牙兼啖啖虾肉，春卷包住椰菜，外脆内嫩好清新，咖哩球入面包满蔬菜洋葱等，用咖哩调味好浓郁，串烧鸡串系沙嗲味，外层无湿嘅沙嗲，沙嗲味入晒鸡串特别香非常惹味，呢个拼盘好出色，五种食物系突出到五种味道，味道浓而且唔会过份。马来柚子沙律，主要用柚子肉，加入紫洋葱同香草芫茜，未食就觉得好刺激，食落出奇地夹，加入咗秘制酱汁，完全无辛辣感觉，酸酸甜甜味道清新开胃。餐厅外围有种植区，厨师接到订单会即时采摘需要嘅植物食材，所以出品嘅食物系有种新鲜美味。