Chippy (已結業)

如果唔系个鬼妹同事介绍，都唔知在石板街中间有呢间舖。呢度以serve 英式食物，尤以炸鱼薯条为主，所以店内都好多鬼下。<br />我地三个人叫左汤、Bangers & Mash、Cod Fillet 同Steak & Mushroom Pie。佢地的汤强调系homemade 的，25 蚊包一块牛油方包。当日的是忌廉磨菇汤，饮落都唔似金都汤，几浓郁好味，但有D 贵。Cod Fillet 有一块巨型炸鳕鱼柳同一堆薯条，望落就知饱肚。炸鳕鱼外皮松脆但内里嫩滑，炸得几好味。薯条亦有水准但没有上面3 piggyz 咁好食。Steak & Mushroom Pie可配茄汁豆、薯蓉或薯条，即叫即焗都几好食。Bangers & Mash有一堆﹝真系一堆咁多！﹞薯蓉、茄汁豆同两条猪肉肠，果两条肉肠唔知用咩方法整，竟然可以咁多油，一切落去D 油就标出来，只叉拮落去仲见有油滴出来！但见个鬼妹同事面不改容咁照食，真系惊叹西人唔怕油份之余，亦奇怪佢点可以保持咁美好的身段！<br />食到好饱，埋单位位70 蚊，唔算平但都叫试过地道英国菜，唔怕油唔怕肥可试试。