淥鼎記

营业中

休息中

近排返工都大压力，今晚约朋友4人同行烚吓烚吓倾下计。我地被安排梳化卡位，坐得舒服。小宝套餐包一碟餐前小食，一个前菜，之后就系任食边炉。今晚嘅餐前小食系炸鱼片头，喜出望外地好好食，鱼片头炸至金黄色，又有啲炸蒜喺面，好香口。前菜我哋拣咗清汤腩。汤底几清，有淡淡嘅胡椒香味。萝卜唔算多筋，腩肉就有八件。食完前菜之后就开始打边炉。边炉汤底有6款可以拣，我地今次试咗麻辣鸭血汤底。汤底落咗好多香料，系个好香浓嘅麻辣汤底。鸭血我地一致认为好滑，唔错。而边炉配料方面都算齐，菜、菇类、丸类、面、牛柏叶同水鱿都可以喺自动吧任夹。肉类就可以qr code廿落单，安格斯肥牛嘅质素亦都唔错。