印豪印尼商店

营业中

休息中

屋企工人姐姐话我知，佢放假经常黎呢间印豪同啲同乡开餐。今日经过附近，决定简单啲买呢度嘅外卖返屋企做午餐。呢度都有得食三𩠌饭($40)？！当然𩠌菜换成印尼食品，我就叫左椰汁香料鸡、薯仔同巴东牛肉。份量超大，满到顶饭盒盖。椰汁鸡酱汁好香，鸡肉都嫩口；巴东牛肉偏甜，薯仔调味带香辣，一个饭盒三款味道，好丰富啊✨令我最惊喜系呢度嘅珍白酥肉丸汤米🍜 ($45)即系我地嘅猪肉丸！唔同嘅系每粒肉丸size超大，肉质比我地食开嘅松软。最后系那渣酱沙律🥗 ($38)同我想像中不同，系没有蔬菜水果之类嘅材料，而系将米饭煮成糕块状，伴以那渣酱味道辛辣🌶️来吃，严格来说系米饭主食🍚 大家有兴趣可以尝试一下呢个文化冲击😆整体来说，呢度嘅食物价钱平，份量又大，亦都能够品尝到印尼风味。估唔到嘅系，我排队时好多都系香港人嚟帮衬。隔离舖位系佢哋嘅印尼商店，里面有好多印尼传统食品买，元朗街坊可以一试。