韓宮 (已結業)

好耐无食过韩烧啦，呢间韩国菜正宗，因为由韩国人主理。食物种类都好多，除咗烧肉，仲有酱油蟹等等，唔想烧肉都大把选择。店员火速送上三小碟韩式伴碟同埋烧肉沾酱，上菜都非常迅速。韩烧猪肉：烤五花腩，烤猪颈肉同辣酱烤五花腩，肉油脂分布适中，全块口感都系偏软身嘅，一咬落口系好香嘅油同肉味，唔韧，简单点上汁已好味。辣五花腩腌得非常好，唔会过咸而旦微辣会想一旧接一旧咁食，肉质好，食落口完全唔会成口油生。最瞩目嘅酱油蟹，我们点了两只，少有嘅韩国餐厅有得食呀！！蟹够新鲜同多膏，非常鲜甜，将只蟹唧落d饭度捞埋d酱油，一啖啖超满足，好幸福呀～韩式炒粉丝，弹牙爽滑，配料又多，有蛋丝，萝卜丝，菠菜同云耳。价钱抵食，选择多，服务好。