OPPA韓國燒肉店

营业中

休息中

好耐都无食韩烧啦，今日心血来潮揾间韩烧食下先，揾到呢间叫Oppa嘅韩烧，唔知点解通常叫得Oppa都觉得一定好食！呢度有套餐，又可以散叫，如果过晚上9点半仲可以宵夜套餐，都几抵食㗎。牛肉都有好几款，如果想试多啲唔同嘅款式，其实可以拣个牛气冲天和牛拼盘，而我哋拣咗个Oppa必食推介 - 美国Prime安格斯肉眼扒，肉嫩多汁，有好香嘅牛味，油脂分布平均。煎香后点少少麻油或者肉酱汁就更加美味！五花腩同样都系Oppa 必食推介，唔会过份肥腻，肉同脂肪比例分布平均，猪肉香口。店员仲会好细心帮你煎，保证煎到timing啱啱好。啲肉仲可以用生菜包住嚟食，如果嫌太过dry可以加少少芽菜、泡菜、海带、蒜、酱汁包埋一齐食，就有多一种唔同嘅口感。如果生菜唔够仲可以无限添㗎。原粒带子大大粒，又鲜又甜，加少少柠檬汁🍋仲更加带出其鲜味。铁板上有个位置落泡菜同蛋浆，店员会免费落一次，如果仲想再添，可以加$18。食韩烧又点可以唔饮嘢呢，朋友要咗罐可乐，而我拣咗罐韩国粒粒提子汁，几香青提味，仲有一粒粒嘅提子粒，几有咬口。