Sushi Tokami

营业中

休息中

星期日lunch食omakase，环境非常细小，餐厅分开两边，每边大概有八个位，因为全间餐厅嘅位置唔多，又冇背景音乐，所以好静，连同朋友讲嘢都要好细声。食物质素非常之好，用料新鲜。日本师傅会亲身介绍寿司，而侍应亦都会提供中文翻译，非常贴心。前菜有慢煮八爪鱼，八爪鱼新鲜软嫩。我哋嗌左14贯寿司：左口鱼, 墨鱼, 小肌鱼, 赤身, 中拖罗, 大拖罗, 帆立贝, 左口鱼, 金目雕, 池鱼, 樱花木烟熏春鱼, 北寄贝, 海鳗鱼，松叶蟹中间加插左唔少日本渍物，包括萝卜，淮山，仲有香港少见嘅蜜瓜仔，非常好食。最后有生牛肉手卷同面豉汤，生牛肉手卷用了新鲜，而面豉汤亦为呢一餐作结。甜品更加有日本士多啤梨，为呢餐画上完美句号。