すき焼 森 (荷李活道) (已結業)

餐厅装修以木系日式风格为主，有小小怀旧感觉，地方唔大，但环境都几舒服。有吧枱亦有普通座位，不论坐咩枱都会有师傅席前烹调。餐厅主打关西风嘅寿喜烧，烹调方法都好正宗，师傅亦会一路煮一路介绍食物，令你可以享受美食之余亦可以认识更多日本食物嘅知识。𝕃𝕦𝕟𝕔𝕙 $𝟝𝟠𝟘 + 𝟙𝟘%（另+$𝟙𝟘𝟘 牛舌）🔝前菜🔝紫菜蟹肉蒸蛋满满嘅蟹肉，好足料嘅蒸蛋。🔝野菜盛合有大白菜、皇帝菜、洋葱、冬菇、蒟蒻面、豆腐、大葱。🔝A4近江牛牛肉分别有四个唔同部位，有肉眼 、西冷、两款唔同嘅牛肩。西冷嘅牛味比较浓郁，而牛肩有两块，一块比较瘦啲，另一块就油脂分布得好靓，食落油脂满满入口即溶，而牛舌好重牛味肉质软腍。🔝专人席前烹调🔝师傅系煎块牛之前会先洒小小糖落去，然后再加寿喜烧汁，令肉质更加焦香😋🔝师傅将烹调好嘅牛分开一半再放入碗，然后再建议我哋一块就咁食，另一块沾上生鸡蛋先食，沾上蛋汁令肉质更加滑溜，最后再食多啖白饭，实在太好味🤤🔝野菜盛合里面嘅豆腐同蒟蒻面都好好食，好入味。🔝滑蛋牛肉饭师傅会先煎香碎牛，然后再加入蛋一齐炒，最后再放埋落饭度，滑蛋牛肉饭咁就完成喇😋🔝芝麻味雪糕🔝咖啡