錦麗 (東薈城名店倉)

营业中

休息中

锦丽位于东涌东荟城高层，装修光猛，有少少藤装饰呼应越南菜主题。服务唔算好有礼貌，楼面放菜单直接丢上枱面，反而收银姐姐态度几好。要用QR Code自己点餐，当日唔少行完山嘅老人家唔识用，要揾职员帮手。下午茶餐点咗生熟牛肉河，份量喺比正常细的。汤底好鲜美，牛肉又软又有味，几好。小食拣咗家乡鱼饼，块鱼饼好细，味道平平。不过啲红萝卜丝有腌过，又颓唔晒😂自家嘅薏米水薏米算多，但系有啲甜。佢哋下午茶食到六点，今日食嘅呢个餐价钱系六十蚊。总括嚟讲，锦丽系一间水准正常嘅越南餐厅，如果你想食碗ok嘅河粉汤，可以试下嚟呢度。