茶木‧台式休閒餐廳 (杏花新城) (已結業)

是日收早同女朋友去杏花新城行街食饭，七点未到餐厅人流唔多唔使排队，仲任拣位坐。夜晚餐牌选择都多，小菜为主，加三十元有白饭、沙津同饮品。我地叫左一个小菜同一客肉澡饭。香煎腓力猪肉澡饭，上台都新鲜热辣，肉澡够味，猪柳比较有咬口，应该要用刀切当西餐食。凤梨杂果咕噜肉，有诚意，全部生果都系新鲜生果并非罐头，有菠萝，草莓同火龙果，咕噜肉都系新鲜炸起脆口，甜酸都恰到好处，唯独是全部生果比较大份，相对地咕噜肉即份量就比较略逊。