稻香超級漁港 (南豐廣場) (已結業)

💙稻香💙4位餐 $698原盅汽锅汤油份比较多，冇话好浓味，清清地咁。入面都有唔少鸡肉猪肉等配料，不过都系‘鞋’身。清蒸虎杉斑就正正常常平时一围枱会见到嘅肉。肉质正常，但都系腥。不过呢个腥嘅程度可以接受。金蒜蒸圣子一共4条，已经一早将肉同壳分开咗，所以好方便进食。肉质算鲜，但唔够入味，底下嘅粉丝更加冇味。砂锅大斑鱼头煲呢个有唔少配料系底，豆腐支竹菜呢啲全部入哂味，好食。 条鱼鱼质ok，但有啲腥，尤其近骨位。金沙软壳虾小编好钟意食呢个😂因为有咸蛋黄，小编好爱。佢有啲似食紧咸蛋黄鱼皮咁，咸蛋黄味好香，不过就变咗外脆内软。第一次会食埋虾头，真系成只虾都食得。而且份量都多，唔会俾得几条你。油都多，但食炸野就预咗🤭孖宝 $228姜葱焗肉蟹份量正常，唔会话好多肉可以食。味道都正常。海味什菜煲正常什菜煲，有白菜仔，小棠菜，菜心等嘅蔬菜，菇都有唔少既🍄清清地，都几好食。