樂天皇朝 (利舞臺廣場) (已搬遷) 新店位置

好耐之前去食，整体都还好，正常发挥啦，但又未至于好食到会特登再去。特色皇朝小笼包 最好食系蟹粉，有啲味道我觉得唔太夹。鹅肝味就一言难尽，如果下午茶仲有半价都可以试吓。荠菜黄鱼春卷呢个几好食，香港好少见。入面真系有鱼肉，但味道又唔腥，呢个可以叫。龙华素鸭 佢甜得滞。味道好怪，千祈唔好叫。李白醉鸡 酒味几香，肉都ok 嫩滑，算正常发挥。其他评价：环境几好，几古色古香，座位好阔落，仲有条小水池，论环境系真系一流，但整体食物质素普通。