1仔冰室 (已結業)

有少少赶时间过去尖东揾我朋友，朋友就想帮忙，顺便帮手买嘢食，响红磡区行过去途中经过1仔冰室就直接响度买外卖返去食。佢嘅地点应该系介乎黄埔站，同埋红磡站中间咁上下，黄埔站行过去5分钟左右就到。朋友就要做一个最基本嘅常餐，沙嗲牛肉通粉，配埋炒蛋，仲有个菠萝油。沙嗲牛肉通粉食𠮶阵时冇落晒啲汤落去，所以沙嗲牛肉味比较出，但系如果成个汤落晒佢就有少少偏咸，通粉嘅口感正常。炒蛋有啲干身。菠萝油外面𠮶浸脆皮有少少实净，攞上手感觉个菠萝油好似有个壳咁，咬落去就系外面硬硬地脆脆地，里面有少少干身。我就要咗个咸牛肉蛋潜艇，份量正常，咸牛肉同蛋嘅比例都可以，呢度蛋正常好多。整体来讲发挥正常。