甜牙牙

营业中

休息中

食完晚餐，大概10:00左右。座位大概八成满，我哋两个人去坐咗张六人枱，有个戴眼镜曲发微胖女士态度非常恶劣同我哋讲「两个人打对面坐㖞，坐埋一边啦」。其实站在商业角度，我系老板我都会叫人咁做，但系点样讲呢番说话嘅技巧就真系要有，我觉得好似俾人赶咁，不过唔紧要，食个糖水好快走嫁啦，谂住由佢啦。食嘢正正常常，冇特别好食，冇特别难食。坐得迫，就间间糖水舖都系咁迫，嘈就一定间间糖水舖都系咁嘈，但系到去厕所问佢攞锁匙𠮶阵好似欠咗佢钱咁，手指指，面黑黑。去到埋单𠮶阵，个位女士完全冇用语言交流，伸直只手递张单出嚟俾我自己睇价钱，就咁队部机埋嚟叫我俾钱，唔知仲以为争佢钱。冇下次。