影片
更多
2013-10-25
6550 浏览
姨丈吹鸡，话带我地去食一家又抵又好味o既乳猪同鹅肠，嘻嘻，试问为食o既肥肥家族又点会放过食好野o既机会呢 ？！「兜记」位于湾仔杜老志道，到处都系巴士同旅游巴，交通非常挤塞，虽然的士、巴士、小巴样样到，个人会选择行路或者搭电车。「兜记」设于群策大厦三楼，大厦左边有两部专为食肆而设o既升降机，地下则有不同餐厅o既知客招待客人上楼。上到三楼，一入门口就觉得「兜记」光猛，右手边个大鱼缸好抢眼，地方好阔落。大肥爸爸记性真系好，坐低唔够两分钟就认得出曾经喺位于湾仔街市o既「金兜记」见过两位经理 ，佢地二人亦爽快大方地承认。唔知同我地认识佢地有冇关呢，伙计们o既招呼都颇为细心体贴卫生，不时为我地加酒水、换碟、更问及我地对餐厅提供o既不同菜式有咩意见 。当晚姨丈请客，𩠌菜由佢一早预订，主要想我地品尝鹅肠、乳猪及粉丝煲： 豉油皇鲜鹅肠（$128）：去哂肥o既鹅肠爽口带甜，食落好健康 ，又唔会话过熟，拌碟o既芽菜都一样咁爽，不过如果可以热啲，个𩠌会更加好食！ 兜记即烧乳猪（$638/只）：乳猪系「兜记」o既招牌菜，姨丈极力推介！首先要赞o既系乳猪皮已经去哂肥，好健康，最重要系质感犹如薯片般香脆
「兜记」位于湾仔杜老志道，到处都系巴士同旅游巴，交通非常挤塞，虽然的士、巴士、小巴样样到，个人会选择行路或者搭电车。「兜记」设于群策大厦三楼，大厦左边有两部专为食肆而设o既升降机，地下则有不同餐厅o既知客招待客人上楼。上到三楼，一入门口就觉得「兜记」光猛，右手边个大鱼缸好抢眼，地方好阔落。
大肥爸爸记性真系好，坐低唔够两分钟就认得出曾经喺位于湾仔街市o既「金兜记」见过两位经理 ，佢地二人亦爽快大方地承认。唔知同我地认识佢地有冇关呢，伙计们o既招呼都颇为细心体贴卫生，不时为我地加酒水、换碟、更问及我地对餐厅提供o既不同菜式有咩意见 。
当晚姨丈请客，𩠌菜由佢一早预订，主要想我地品尝鹅肠、乳猪及粉丝煲：豉油皇鲜鹅肠（$128）：去哂肥o既鹅肠爽口带甜，食落好健康 ，又唔会话过熟，拌碟o既芽菜都一样咁爽，不过如果可以热啲，个𩠌会更加好食！
兜记即烧乳猪（$638/只）：乳猪系「兜记」o既招牌菜，姨丈极力推介！首先要赞o既系乳猪皮已经去哂肥，好健康，最重要系质感犹如薯片般香脆，就连家中牙力较弱o既嫲嫲都可以咬到 ！乳猪二度斩件上，虽则肉质唔嚡唔干，不过正如大肥所讲，幼嫩程度绝不能同手丝二度比。
猪肺汤（$288/半鼎）：「兜记」o既猪肺汤以鸡脚及绍菜肴制而成，润得黎味道香甜浓郁，加上猪肺洗得够干净，白雪雪之余又唔「押」，赞 ！香辣手抓羊排（$98）：羊排味道劲苏，而且超肥，XO仔真系食到打冷震 ！
凉瓜炆斑尾（$520）：（怕骨o既小肥冇食）据主人家所评，条鱼好新鲜，不过太大，所以肉质唔够滑。
菠萝生炒上肉排（$88）：生炒骨还可以，不过炸粉太厚，所以咬落好硬，需要改良！干捞粉丝煲（$168）：干捞粉丝做得好干身，味道微辣得黎唔会过火，加上用煲上，够哂热，真系好出色 ！大家食完一口已经叮嘱小肥一定要喺openrice度推介 ！
川椒滑鸡球（$78）：鸡球做得好嫩滑，可惜太油腻，而且胡椒味太浓，令小肥有所保留。
芒果糯米糍（免费赠送）：糯米糍o既椰味浓到盖过哂啲芒果味，热爱芒果o既大小双肥有少少失望啰！
其他收费:银杏鲜腐竹浸白菜仔（$68）
可乐：$10/支
晚茶：$9/位
晚芥：$4/位
埋单每人约$280，有鱼有乳猪，唔可以话贵，又唔系话好平，抵唔抵食就见仁见智，总知肥肥家族就觉得价钱合理啦！
「兜记」o既环境、服务、卫生、食物及价钱各方面都尚算合格，只系整体未去到一个令人「哗」o既程度，故此XO仔未能喺任何一项给予满分。𩠌菜方面有所参差，不过大家绝对要黎试四味招牌菜：豉油皇鲜鹅肠、兜记即烧乳猪、干捞粉丝煲、猪肺汤 。
张贴
