正斗粥麵專家 (ELEMENTS圓方)

营业中

休息中

今日又要同同事外出办事，肚饿出街揾食唔知食咩嘅时候，行到正斗附近，我好似有系杂志见过介绍呢家出品，好似话唔错咁，环境都几好，我地去到刚好有台，真系太幸运喇，居然系饭点时候都有空台，呢度服务都可以，但菜价都D偏贵小小。虾仁炒蛋，睇个样几好食，虾好大只，又好新鲜，仲几弹牙，蛋炒得好滑啊，食落口又爽口又香滑，唔错，不过分量偏细，但味道的确几好。白灼猪腰猪肝，呢个我觉得几有特色，好似比较少见饭店将猪肝同猪腰用白灼呢种做法，虽然无加其他配料落去炒或者蒸，就咁白灼又估唔到几好食喔，再蘸D豉油，几有味道，猪腰同猪肝都灼得刚刚够时间，所以好嫩，猪腰仲有D爽口，如果接受食内脏嘅朋友可以试下，感觉几特别。