金三角

营业中

休息中

天气热辣辣，要揾间冷气够凉又有冷冰冰野饮既餐厅🤣🤣今日揸车去到九龙城食泰菜，岩岩泊到车系打鼓岭道标位😁😁转角就系金三角。.呢间泰菜之前食过，系好抵食，不过铺头好细间🙈同无咩装修，正宗既「小」店🤣 坐低就叫左啤酒同芒果沙冰 冰冰佢。沙冰叫凉浸浸，无另外加糖都好够芒果香味。.天气太热，首先叫个凉菜「烤猪颈肉沙律$78」，猪颈肉加上酸辣汁包片片生菜，好开胃又抵食。「飞天炒通菜$53」好钟意泰国通菜，够幼身又嫩身，辣辣地简简单单。「香叶炒肉碎$58」唔知有冇人好似我咁钟意食呢个其貌不扬嘅菜式🤣个酱料加上豆角仔炒埋好惹味，𩠌饭好夹，个人觉得好食过炒饭。「串烧类：串烧猪$14、鸡翼$14」串烧烧得比较耐，要耐心等候，但值得等待，个人钟意佢个酱汁。