慶麵 (已搬遷) 新店位置

黎依度完全系一时兴起! 系同朋友行行下街饿饿地，见到有间卖面食既铺头，觉得可以一试，于是就入左黎，估唔到寻到宝! 两条友，都唔系好大食，于是喊左个胡椒生煎包，同埋一个招牌庆面! 招牌庆面最引入注目既，就系面头一小撮炸葱! 虽然唔算好脆口，但都几香! 而云吞，就唔系平时食开既猪肉云吞，而系有鱼肉馅，所以个味道格外唔同，有多啲鲜味，感觉特别! 面条同汤底相比起云吞同埋个炸葱就有啲失色，但都系水准以上! 但今日最最最大既惊喜系生煎包! 因为真系好脆口，同埋一咬落去即刻有肉汁飞溅出来! 平时食开既生煎包就算做到脆同埋肉汁，但皮多数几厚，但依个生煎包真系皮薄，脆口，肉汁，馅足，全部做齐哂，真系好正! 一定可以排入我生平食过最好既生煎包既top 3，不得了!