Gali

营业中

休息中

观塘揾开野食，呢间已经系第二次上黎食，唔系佢几咁出色，我谂反而系佢既不过不失，价钱唔会贵，令人谂唔到食咩又想食啲重口味野既时候就会谂起佢，当然，如果你未食过，我会建议可以一试！ 位置系开源道隔一条街，一个工厂大厦搭上去，部Lift有啲慢，顺带一提，佢系冇洗手间提供架，要坐返Lift落地下再去商场去，话就话收九点，我八点到佢会同你讲八点九要走人，估计系员工冇咩士气，有得早收就早收，入面装修系可以话零，灯光昏暗，讲食物啦！菠菜烤鸡咖喱印度野出名既重味依旧，跟餐可以自己拣奶油烤饼、蒜蓉烤饼或者白饭，我系拣左蒜蓉烤饼既，热辣辣既蒜饼厚实烟韧，沾上咖喱既口感系非常之好，鸡肉虽然小又细旧，但够滑够腍同够入味，值赞香料咖喱软壳蟹女友嗌左奶油烤饼，我个人就唔钟意喇，冇奶油皌味，亦冇左蒜饼既厚实烟韧，似就咁一块越南春卷皮，冇甚特别，我马马，不过个软壳蟹就不得了，本身香料既重味道，加上成只软壳蟹食到有梳梳既肉，好味！！Lassi邪恶既乳酪，口感顺滑，不过我同GＦ一人ｓｈａｒｅ一杯就OK了，因为饮得出糖份好高，系好味既都！