影片
更多
2024-10-23
273 浏览
第二次探呢间店，上次食左最招牌嘅鸡白汤拉面，都几好食，今次试试沾面。《鱼介🐟豚骨🐖沾面🍜》香味 (3.5/5) - 香味几够，不过我一直都认为，只要有海鲜响个汤道，包括鱼介，鱼干，特别系虾，香味一定不会欠奉。所以香味够系基本野，我又闻唔出有其他香味点缀，所以只属中上。沾汁 (3/5) - 呢个沾汁，味道系好好，不过最大问题系，唔够浓郁。沾汁有别于汤面个汤，应该要比较浓同比较咸，先至可以发挥到沾汁嘅作用。而，呢个沾汁味道好归好，但唔够浓，唔够咸，质感亦唔够厚，我完全唔觉得我食紧沾面。偶然，一d拉面店嘅浓厚拉面个汤，比佢更浓厚，更够味，所以，我认为 3 分都好尽，算合格因为佢味道系好。另外，佢比左块青柠，可以揤落去个汤道提味。我有试过，系几好，效果唔错，不过，青柠会令人马上联想起东南亚菜，特别系泰菜，所以我认为如果店家想带来另一个清新嘅层次，可以用柚子醋，会更加日风。面条 (3/5) - 用左全粒粉造嘅面，虽然个目录话系用粗面，我认为未至于系太面，顶多系中太面。口感正常，软硬度适中。虽然用左全粒粉，出奇地，小麦味只属正常，唔特别强烈。呢款面我认为就正正常常，中上啦。面同沾汁嘅配合，因为沾汁
《鱼介🐟豚骨🐖沾面🍜》
鱼介🐟豚骨🐖沾面🍜
$82
46 浏览
0 赞好
0 留言
香味 (3.5/5) - 香味几够，不过我一直都认为，只要有海鲜响个汤道，包括鱼介，鱼干，特别系虾，香味一定不会欠奉。所以香味够系基本野，我又闻唔出有其他香味点缀，所以只属中上。
沾汁 (3/5) - 呢个沾汁，味道系好好，不过最大问题系，唔够浓郁。沾汁有别于汤面个汤，应该要比较浓同比较咸，先至可以发挥到沾汁嘅作用。而，呢个沾汁味道好归好，但唔够浓，唔够咸，质感亦唔够厚，我完全唔觉得我食紧沾面。偶然，一d拉面店嘅浓厚拉面个汤，比佢更浓厚，更够味，所以，我认为 3 分都好尽，算合格因为佢味道系好。
另外，佢比左块青柠，可以揤落去个汤道提味。我有试过，系几好，效果唔错，不过，青柠会令人马上联想起东南亚菜，特别系泰菜，所以我认为如果店家想带来另一个清新嘅层次，可以用柚子醋，会更加日风。
面条 (3/5) - 用左全粒粉造嘅面，虽然个目录话系用粗面，我认为未至于系太面，顶多系中太面。口感正常，软硬度适中。虽然用左全粒粉，出奇地，小麦味只属正常，唔特别强烈。呢款面我认为就正正常常，中上啦。
面同沾汁嘅配合，因为沾汁唔够浓郁，所以就算沾晒d汤夹起d面来食，汤嘅味都系薄弱，我系要沾完，再笔起少少沾汁连埋d面一齐食先至叫 ok。呢吓系要扣分。
配料 (3/5) - 猪叉烧，用左腩肉部份，有火炙过，够肉味，口感嫩滑，几好食。
溏心蛋，就比较弱，调味唔够，蛋味唔够，不过生熟度还好。
荀方面，直情系差，有渣。味道就算系正常都好，有渣嘅荀冇理由会比客食，又要扣分。
整体 - 不推荐。佢只系一款普普通通嘅鱼介豚骨沾面，冇乜记忆点。不过，如果经过食返碗，系 ok，未至于伏。
张贴
