聰嫂私房甜品 (已結業)

第一次食聪嫂甜品，因为有个外国朋友好钟意食西米露，所以喺湾仔经过呢间糖水舖，见到咁多人排队，又有唔同种类嘅甜品拣，所以就入咗去试一试。朋友好钟意食西米露之外，仲想食埋芝麻汤圆，于是我哋叫咗芋头西米露然后加咗四粒芝麻汤圆。西米露比我想像中好食，比一般嘅糖水铺头质素高啲，芝麻汤圆都系正正常常几好食。餐厅方面都几大但由于好多人排队，所以长期都好忙，员工服务态度一般但尚可接受。见到好多人都叫咗炖奶或者炖糖水，我个朋友表示好想一试，所以都期待下次再去试吓佢其他嘅产品。