Don X Sushi Generation (已結業)

晏昼同朋友系中环揾野食，去到和安里，好多铺头都要等位，见到呢间餐厅有位就入去。铺头唔大，但原来有楼梯上第二层。主打DON饭同SUSHI SET。我就点左SUSHI SET。10件SUSHI，4个ROLL。食材唔算好新鲜。每样野都正正常常，冇咩特别惊艳，同时冇咩特别伏。SUSHI SET 包埋个迷你乌冬。但太淋，冇咬口，唔合格。反而个甜品雪米滋OKAY。SUSHI SET  $170, 唔记得洗唔洗加一。总结呢餐唔算好食，唔算抵食。可取之处系唔洗等位，坐得唔逼，环境都可以。真系附近都冇位，又想食下日本野就可以试下。但唔好抱有好高期望。