金記冰室 (創紀之城五期(apm)) (已結業)

好多时一早去开观塘APM都会去食金记既早餐因为佢既早餐无论系通粉定系面餐都好好味，尤其中意哩度既沙嗲牛肉面餐，再配埋煎蛋同牛油多士都系$36，价钱合理。沙嗲牛肉面 虽然沙嗲味唔系咁出，但个牛肉真系好好味，有牛味同质感，（唔会好似有d餐厅咁比梳打粉拿到d牛肉死晒）🙄🙄🙄。煎蛋亦系刚刚煎出黎，流心蛋，有蛋香，好正👍🏻，多士亦好脆，牛油一d都唔悭，查左劲多，好香好脆😋拎个包沾d蛋黄汁食真系一流平时都会间中黎金记食午餐同晚饭，排队都系常见，总括早、午、晚餐都试过，价钱同食物质素成正比，赞👍🏻