越旺美食 (裝修中)

今日经过大角咀，一定要食返呢间令我回味无数次嘅越南美食，佢哋搬咗之后，舖头就更加大，光猛又干净。特别钟意食虾嘅我，叫咗佢哋招牌嘅马来奶油虾同埋椒盐虾，两种唔同嘅风味，佢哋用嘅虾都好新鲜，而且做法都唔会盖过虾嘅鲜甜味，特别系个奶油汁，用嚟送饭或者系蒜蓉包都一流。另外仲叫咗豉椒蛏子同埋炒芥兰，以价钱嚟讲佢哋真系冇得输，因为只系平民价但系都大大碟，我哋两个人都食唔晒。佢哋嘅咖喱都好有特色，可以拣越南风味或者印度风味，我食过几次都觉得好出色。