華記潮州滷水車仔麵 (民興大廈)

营业中

休息中

作为地道香港人的我，最喜欢的食物第一位一定系车仔面，一听到话边间好食都必定慕名去探个真实，今次就去咗深水埗与太子交界之间的华记。离远望到个门口已经见到排紧队，但尙算人少，所以都跟队，最后等左大约20分钟左右。汤底都几多选择，大路口味当然就唔会拣啦，我地都拣左重口味推荐（全部汁），当中有分大中小辣，始终第一次食，保守d，我拣左小辣，老公拣中辣。萝白+鲜鱿鱼须+粗面+小辣 - 系我心目中，车仔面系必食粗面。萝白比左三大旧，很入味，不错。反而鲜鱿鱼须无乜惊喜，口感系有既，亦都够弹牙，但味道就比较一般。重口味小辣汤底就好正，够惹味，小辣对于我就刚好，加多一度辣应该搅唔掂。猪头肉+牛腩+萝白+公仔面捞面+重口味中辣 - 猪头肉劲厚身，真系啖啖肉。牛腩就正常发挥。中辣捞公仔面，我试左一啖就立即放弃，老公就食到标哂汁，不过佢话辣得好过瘾。凉拌生肠 - 味道就唔错，但稍嫌口感唔够爽脆。煎酿三宝 - 煎得好靓仔，未食已经比个卖相吸引，入口的确够香口，鲮鱼肉好合我心意，因为竟然系冇葱既，好好食。