生記茶餐廳 (已結業)

好耐都未去过红磡喇, 今日系比朋友约左去黄埔睇戏, 当然晚餐都会一齐食,佢就带我去左生记食蟹粥,佢话非常好食,一定要去,咁就跟著佢去,佢都揾左一阵,我估唔到既原来只系旧式茶餐厅,而裹面都唔算太多得几张枱,坐唔到几多人,好彩既系,好快我地就有一张枱坐低,好彩,仲以为有排,不过依到既餐牌同我睇到既有大不同,就系非常之靓,D图真系做得好靓,有图有真相唔通,之后就叫左一个生滚蟹粥,好似全场都无人无叫到依个蟹粥,佢话系即煲既,但唔够10分钟就黎到喇,都好快手,卖相唔系话好靓,无咩色水,先试啖粥先, 好绵好滑,又唔会得水有口感,唔错, 食食个蟹先,蟹肉连著蟹壳,应该系好新鲜,蟹肉非常之鲜甜,不过个蟹味如果可以再渗入粥底到会仲正,不过可能系生滚先好食,之后叫多个椒盬白饭鱼,份量都够既,睇落已经觉得好好食,而且每条鱼仔都好粗, 炸得好香口好松化,但又唔算太油腻。