影片
更多
2011-08-10
132 浏览
爱人订咗呢间我地想去好耐既店舖,一路都揾唔到一个晚上去,最后终于决定揾个星期六下昼去见识见识...而亦因为听到呢间舖既老细对食物要求好高,所以相对嚟讲我既期望亦都提高咗.去到由侍应带我地去上层,其实成个地方装饰好简单,比人感觉几舒服,当然上到楼上个楼底就相对低咗,有少少压迫感,但唔算系太严重,因为出现问题既系我地既座位. 我地被安排既地方系楼上入面近住另一条楼梯个位,相比一般食中餐既地方,大班楼系好静既,而正正我地坐𠮶个位出面可能系一个大冷气机位,不停系咁有呜呜声，成餐饭就系听到呜呜声,真系好鬼嘈！如果系做高级嘢既话,我谂唔单只要系食物方面下功夫,环境都要注重下先得.茶送到嚟,叫咗铁观音,饮到最尾都重好香,好有茶味.但系有咁既质素系应该既,因为茶每位系＄１５大洋.之后我地叫咗柠檬叶虾饼（＄１１８），上枱𠮶阵有好香嘅虾味.夹杂住啲马蹄，好弹牙，𠮶汁真系好正，酸酸地甜甜地有阵鲜味！赞! 但系我未食完虾饼就攞走咗只碟同跟碟𠮶汁,希望可以注意一下！黑麻油,头抽,老酒三杯猪肠扣墨鱼（＄１４８）. 配搭十分特别的一个菜.味道很配合,唔会麻油抢咗头抽既味道,夸张啲讲，墨鱼入口好似入口即溶咁.实情只系
爱人订咗呢间我地想去好耐既店舖,一路都揾唔到一个晚上去,最后终于决定揾个星期六下昼去见识见识...而亦因为听到呢间舖既老细对食物要求好高,所以相对嚟讲我既期望亦都提高咗.去到由侍应带我地去上层,其实成个地方装饰好简单,比人感觉几舒服,当然上到楼上个楼底就相对低咗,有少少压迫感,但唔算系太严重,因为出现问题既系我地既座位.
我地被安排既地方系楼上入面近住另一条楼梯个位,相比一般食中餐既地方,大班楼系好静既,而正正我地坐𠮶个位出面可能系一个大冷气机位,不停系咁有呜呜声，成餐饭就系听到呜呜声,真系好鬼嘈！如果系做高级嘢既话,我谂唔单只要系食物方面下功夫,环境都要注重下先得.
茶送到嚟,叫咗铁观音,饮到最尾都重好香,好有茶味.但系有咁既质素系应该既,因为茶每位系＄１５大洋.
之后我地叫咗
柠檬叶虾饼（＄１１８），上枱𠮶阵有好香嘅虾味.夹杂住啲马蹄，好弹牙，𠮶汁真系好正，酸酸地甜甜地有阵鲜味！赞! 但系我未食完虾饼就攞走咗只碟同跟碟𠮶汁,希望可以注意一下！
黑麻油,头抽,老酒三杯猪肠扣墨鱼（＄１４８）. 配搭十分特别的一个菜.味道很配合,唔会麻油抢咗头抽既味道,夸张啲讲，墨鱼入口好似入口即溶咁.实情只系切得薄薄地,而黑麻油,头抽,老酒又唔会抢咗墨鱼既味道.但系..........猪肠就系呢个菜既败笔．切得大细不一，细既啉，大嘅好似香口胶,赵唔倒.一个好食既𩠌就系比猪肠完完全全咁破坏咗.系咪真系咁严重?绝对系.肠有头有尾,中间比较薄,如果真系要做到原本老板所想做到既高水准,系咪应该分开咁处理呢,厚有厚先煑啉,再后加薄既.嫌麻烦既就剩系用中间个部份啰.除非你同我讲话为咗比唔同口感我,所以就分开唔同既切法,咁我就冇嘢好讲啰.
三虾炒饭,做到炒饭既基本要求,热,饭身炒到一粒粒,同埋上枱有香味,但系再食落因为个饭系用晒虾既关系,所以有少少腥味.
鱼汤牛坑腩丸（＄１４８）,做得非常唔错.浓郁既鱼汤,牛坑腩丸有浓厚既牛肉味(其实有少少似饮茶既牛肉,但系好食好多既),但食材切厚度亦不平均，三块姜片（切成菱蓘形），三块厚度都唔同.
以为全日最精彩已经系开始出现咗但居然又有惊喜,冇错就系甜品．我地叫咗两个雪糕,杞子雪糕同子姜雪糕．首先要赞既系只碗都系冻既．其实一间出色既餐厅唔系剩系好食既食物，要收咁既价钱，系细微细眼既地方就可以分出高下．作为中菜，佢地可以选择既甜品唔多，但都可以考虑到先雪冻个碗都已经算系咁．讲番雪糕，子姜雪糕，姜味唔系太突出，如果你喜爱淡淡地，
可以一试．杞子雪糕就真系惊喜㖞．佢既雪糕同子姜雪糕系有啲唔同．子姜雪糕除咗姜味淡之外，雪糕亦唔系太浓．相对嚟讲，杞子就浓郁得多，再加上粒粒杞子，非常之唔错．
而服务方面，除咗柠檬叶虾饼事件之外其实系非常好，令人感觉好舒服，唔会做多咗，亦唔会令你感到被忽视．
其实当初系睇咗叶一南写既文章嚟呢度食，嚟之前期望相当大，嚟咗之后，感觉食物方面有做得好既地方而同一时间亦有改进既空间．希望下次再嚟𠮶阵，可以试多啲其他既菜式，到时再品评一下．
张贴
