傷心酸辣粉 (西洋菜南街) (已結業)

呢间分店嘅酸辣薯粉同其他分店嘅味道差唔多，薯粉几Q弹，汤低都够酸辣。最钟意食佢嘅花生，够脆！份量唔太多，刚刚好。腐竹就普通啦，都有挂到汁水，汤底系叫左BB辣，无论外卖定堂食，都觉得D汤好热，要吹几下先得，但系D薯粉好滑，所以到最后成个嘴都好烫，不过都可以接受。平时会系店内堂食，店铺入面环境都算干净。因为今日赶时间就叫左外卖，外卖自取有8折，等嘅时间大概10分钟左右，店员又负责收银同楼面，人手稍微不足。之前几次都系堂食仲等得耐D，可能要做左外卖生意先。总括而言，外卖会比堂食更省时，食物质素同其他店舖都差不多水准。