MOZY Cafe & Bar

营业中

休息中

Mozy 环境唔错，但餐牌有啲旧。上台嘅水加咗薄荷同青柠，几清新，帮助开胃，唔错。今次叫咗两个假日午餐，两份嘅主菜都系咖喱鸡腿肉，前菜有巴马臣火腿配哈密瓜、芝麻吞拿鱼刺身、鸡胸沙律。食物质素方面，赤身吞拿鱼刺身嘅出品唔输同价位餐厅，算系正常出品。主菜咖喱鸡腿肉方面，出品正常，不过不失。以味道计，以及喺铜锣湾地段，路过时仲有机会再光顾。不过，有个大问题系前菜、煮菜、饭同埋乌冬一次过上，搞到人有啲唔知点食好。特别系点咗乌冬嘅话，你会唔会先食前菜定先食乌冬呢？乌冬放太耐会软晒，但主菜放太耐又会冻。明白餐厅平日可能要快啲应付午餐，但我𠮶日系周末，或者可以留意一下上菜次序。咖啡方面，我叫咗黑咖啡同 Tiramisu。对于我呢个平时唔饮咖啡嘅人嚟讲，黑咖啡算系易入口，唔会有难闻嘅苦涩味，甚至有啲 Nutty 嘅感觉，非常唔错。Tiramisu 配手指饼几好食，不过个人始终麻麻哋 Tiramisu，所以冇乜其他意见。总体嚟讲，Mozy 嘅用餐体验都算唔错。如果上菜次序可以改进一下，会更加好。如果你路过附近，或系附近返工，呢度唔失为一个好选择。