罌粟花 (已結業)

曾经试过铜锣湾𠮶间私房菜「水月」，知道佢喺坚尼地城开咗间新店，今日唔知食乜好，就试吓呢度。店舖虽然好细，得3个座位，不过啲食物好似好吸引咁，就叫个外卖上车食。即叫即整不过等得唔算耐，好快就有嘢食海胆樱花虾天使面 冻食 ($86)好想食汉堡包，不过识呢间小店都系因为呢道菜，于是放弃前者。一打开个盒，哇外观好吸引啊！一卷天使面上铺满海胆、樱花虾及蟹子，旁边有紫菜丝；海胆唔系食开寿司𠮶啲咁靓咁橙色，系偏橙啡，除咗质感上我知道呢旧系海胆外，海胆味就真系欠奉；相信大厨本身系想鲜甜嘅海胆做呢道菜嘅主要味道，所以天使面会系偏淡，但可惜由于海胆味道欠奉，所以整道菜会好似冇乜味，不过天使面都几烟韧，连埋蟹子、樱花虾及紫菜一齐食系好层次丰富BBQ汁安格斯牛肉汉堡（＄58）啖啖牛肉都非常juicy，烟肉煎得好脆；BBQ汁以西梅、黑醋及蜜糖煮至浓稠，一齐食非常惹味，＄58非常抵食！汉堡包可改用菠萝包，不过大雄唔想又甜又咸所以拣返普通包，下次真系想试吓菠萝汉堡包！秘制香脆鸡翼（＄42）外面炸得好脆，但一咬开就会感受到鲜嫩多肉汁嘅鸡肉，而且骨与骨之间冇𠮶啲啡啡黑黑嘅肉，成只鸡翼都大只肥美新鲜，就算唔点秘制酱汁都已