牛陣 (iSQUARE國際廣場)

营业中

休息中

今次同朋友去食牛阵，因为大家都好中意打边炉！我地今次试咗新嘅冬阴功锅。个火锅底呢系比较特别，d酱料系预先炒过嘅，比较惹味！除此之外仲俾咗d泰式香料同埋指天椒我哋放入汤底。大家可以根据自己食辣嘅程度决定加几多指天椒。我哋呢就加咗三粒，不过唔算好辣，系越煮就越出味。味道方面，汤底酸酸甜甜，十分开胃！重口味嘅朋友可以自己再拎酱料黎点！呢一个套餐系任食牛肉，豚肉同埋海鲜！咁海鲜方面呢都有好多唔同嘅种类，有鱿鱼，带子，蚝同埋虾。d海鲜都好新鲜！最钟意食呢就系蚝，鲜甜爽口，唔会腥！除左encore 肉类同埋海鲜我哋都出去自助区攞咗好多唔同嘅火锅配料！个人比较钟意食嘅系菇类！金针菇同埋香菇好衬呢个冬阴功汤底，索晒d汁，又惹味又正！食牛阵另外重点梗系Haagen Dazs雪糕啦!咁呢有四款口味嘅雪糕, encore 左好多杯！食完有小礼物送，仲有得抽奖添！钟意打边炉嘅朋友记得黎牛阵试吓啦！