華嫂冰室 (棉登徑) (已搬遷) 新店位置

行过棉登径根本都冇谂住食嘢，点知比我发现新大陆，原来开咗间华嫂喺度，其实之前已经听过，但系一路冇为意，之前一路都系帮衬铜锣湾间铺，直至到今日行过先至见到，既然已经嚟到点可以就咁就放过佢，一定要帮衬下，呢间分店冇招牌捞米线，咁就要肉眼筋鲮鱼肉米线，加钱转皮蛋芫荽汤米线，饮一啖汤就有幸福嘅感觉，之前有试过其他餐厅嘅皮蛋芫荽汤，但系始终味道都唔及得华嫂，另外要一赞肉眼筋出面好难食得到，口感似猪颈肉，但系猪颈肉有激素，唔够胆食咁多，用依样野代替都唔错，鲮鱼肉完全冇骨弹牙，正