Foxglove

营业中

休息中

今日中環開完會，就順手喺附近諗住搵食，上網睇一睇，發現有一間好有格調嘅高級飲茶，真係好特別，所以決定去試一試。餐廳位於都爹利街，去到門口得個reception counter，個Staff問我地係咪第一次嚟，我哋話係，所以原來係有一個機關入餐廳的，我好appreciate 呢佢呢個咁有心思嘅介紹，入到餐廳真係大開眼界，佢個設計好似喺個郵輪上面咁，大家都會喺呢度happyhour飲番一兩杯，而我就同朋友嚟呢度係填飽個肚，我哋就嗌到好似滿漢全席咁。懷舊蝦多士，已經唔係間間餐廳有，蝦膠非常好，夾落麵包度一啲都唔油膩，麻辣小籠包呢，皮薄餡靚又多汁，仲有少少辣，唔會辣到跳舞嗰隻。蘿蔔絲安格斯牛酥，就真係我嘅至愛，蘿蔔絲炸得鬆脆，條條分明，入邊仲有黑椒安格斯牛，係一個好好嘅fusion菜，蝦餃海膽令我一是難忘，上面嘅海膽非常足料仲要好新鮮，配埋超薄皮嘅蝦餃一啖咬落去，完全係海洋嘅味道。總括而言，價錢中上，但十星級嘅環境真係令人忘記所有煩惱。