見見面 (已結業)

收工即兴约🌶🦶，成局✌🏻 。我话要落九龙城食「见见面」，因为对上一次食已经系一年前。因为冇book枱，所以坐细铺𠮶边，原来装修咗，环境舒服过以前好多～ 我哋叫咗：-酸菜桂花鱼（例牌）（鱼肉滑，块块差唔多size唔会碎湿湿，份量都好多，三个人食到好满足唔会唔够食，我哋仲加咗宽粉索晒啲汁好惹味～）-干锅田鸡（田鸡肉好嫩，配菜洋葱同青椒都炒到好入味，捞饭一流）-辣子鸡（好香口，唔干，花生都食晒）-炒番薯叶（蒜蓉炒，食咗几样咁辣嘅，食返一个清淡啲又可以帮忙中和返啲辣😅）-炸馒头（估唔到有惊喜，炸得好香口，唔会好硬）-串烧*细舖坐得几舒服，人少少唔会太嘈，可以倾到计～埋单$88x。