媽媽印度餐廳 (已結業)

位于太古坊海光苑商场最内边角落,经营左至少十年以上仲存在,想必定有佢过人之处.寻晚同屋企人去试下,老板识少少单简广东话,足够佢介绍菜式用,再唔系D菜差唔多全部都有中文名,同有英文简单介,实睇得掂.根据老板提议,叫左咖喔羊肉,香辣虾,同一个唔辣既鸡(唔记得左个名),仲有手帕饼同炸饼加埋个香料炒饭,甜品系拉茶同印式布甸同印式雪糕.综合起来d野唔算太辣,因为我地系生客老板成日惊我地受唔到辣,经常提醒我地边d菜好辣架咁.我地又无乜点食过正宗印度菜,都唔知到底有几辣,保险起见就接受左佢既意见.原本想点一个"劲辣咖喱鸡"都系佢好心劝阻之下改变左主意.个香辣虾佢都话好辣,所以减左辣俾我地.上左菜之后个鸡就一般,咖喱羊同辣虾就好好味,咖喱系我地屋企既口味叫做完全唔辣(其实都系少少辣,但我地其实好受得辣),但个汁好香好正.个虾就真系算几辣,d汁一样好正好好味.配饭同饼真系一流.个印式布甸好特别.以家庭手制雪糕咁,有种粗糙感,但味道唔错,奶味好浓.个拉茶绝对系成晚至正既食物,好香好滑,仲有一种淡淡地但又好明显既类似花香既味道.食完之后劲饱, 到半夜就打d香料味既饱嗝.虽然间舖好细,又家庭式咁,但好干汗,d