薯仔屋 (已結業)

想系铜锣湾夜晚揾个小人D既地方坐低舒服咁倾计或者一齐打机睇漫画? 呢度适合不过. 系铜锣湾乱咁揾之际, 揾到呢到, 系条唔旺既街, 系个楼上舖, 所以人流真系无咩. 但估唔到设施很好, board game, wii, 漫画一应俱全. 兼且食物好ok, 唔似有d café咁环境一流可惜食物就…135一个人, 印左八折coupon, 一行6人食, 叫左凯撒沙律, 蒜蓉包, 西班牙茄汁磨菇烟肉意粉, 薯条, 蘑菇, 西班牙薄饼, 芝士西兰花. 好味好味~尤其是西班牙茄汁磨菇烟肉意粉, 个意粉个样有D似肉酱, 以为系个个味, 点知D味虽然系蕃茄, 但好爽好唔觉漏, 系咁食唔停口. 蘑菇又系, 加左蒜蓉热la la咁食, 菇味好重, 仲有多, 食极都仲有. 西班牙薄饼, 呢个薄饼真系不得了, 个味好独特, 系甜的, 而且个面做得好好, 一层层的苏皮, 咬落去口感好脆! 正!呢度真系唔错, 下次吹水玩game食野可以再黎~