椰林越南菜館 (已結業)

大前日(23-6-2013 Sun）晏昼同男友o系附近剪完头发都3点几，肚饿就去食个tea，男友又带我o黎厚褔街，我想入茶餐厅食，但男友话有越南o野食，咁就佢啦。我o地o黎到坐近门口，冷气都几大。男友拣$35.00o既下午茶精选套餐﹣越南茄汁牛腩河，饮红豆冰，我要$32.00o既下午茶精选﹣越南沙爹鸡肉串烧拼越南蒸粉卷，同样饮红豆冰。等o左一阵，男友o既越南茄汁牛腩河到o黎，我黐啲o黎食，茄汁杰杰地，味道好够，男友话系罗宋汤，唔多o既牛腩够腍，河粉算滑。然后两杯红豆冰到o黎，睇颜色唔靓，红豆又唔多，唔系好吸引，饮落，白色o既唔系鲜奶系淡淡o既椰奶，红豆够腍但冇乜味，好失望呀。 最后系越南沙爹鸡肉串烧拼越南蒸粉卷，我唔加鱼露食粉卷都觉得味道好够，但唔算香口。而越南沙爹鸡肉串烧呢，肉质够腍，不过沙爹汁唔够惹味，又好失望。畀钱时，我见到收银收我o地$70.00，我记得我o地o野食o既价钱，做咩多收我o地$3.00？我就开口问收银，佢都好希礼貌咁答我我o个个唔包o野饮，要加$3.00。啊，我返到屋企睇返menu o既相，系㖞，真系写明“冻／热饮品或越式特饮加$3"。