影片
更多
2021-01-06
257 浏览
首先我从未喺openrice写过食评但我食完好想分享俾其他人知😂等多啲人黎试吓😉今日经过餐厅门口已经有位侍应哥哥好好笑容咁话入嚟试吓于是我同老婆就入咗去食lunch喇当日中午12点半 入面只得一枱客咁我地睇完set lunch menu 最后选咗煎三文鱼扒野菌意大利饭 $128茄汁鲜虾意粉 $88套餐送是日餐汤 嘢饮好似要另外加$8今日就系 椰菜花薯蓉忌廉汤首先讲吓环境其实餐厅唔算大一半系厨房 一半系食嘢嘅地方只得2张两人枱 同 2张四人枱所以如果多啲人嚟食都可能要book枱但当日到我走𠮶刻都系得3枱客可能餐厅啱啱开业暂时无咩人知餐厅装修优美 播住嘅音乐亦配合到环境服务方面餐厅当日只得一个侍应哥哥招呼客人由企门口招待客人 到俾menu 点菜 传菜 执枱 收钱都系佢负责晒侍应哥哥好有亲和力 服务好到位唔会过于热情 令人感到舒服详情就自己去感受吓我估佢应该喺餐饮服务打滚过一段时间😌最令我惊讶系埋单先知lunch唔需要加一服务费😳送餐时间厨房好似得一个厨师我见到啲餐喺厨房一个出完 等多阵再出下一个应该系即叫即煮所以唔算等得耐不过如果餐厅full晒 就可能要俾啲耐性如果想快 都唔会嚟西餐厅啦？
我从未喺openrice写过食评
但我食完好想分享俾其他人知😂
等多啲人黎试吓😉
今日经过餐厅
门口已经有位侍应哥哥好好笑容咁话入嚟试吓
于是我同老婆就入咗去食lunch喇
当日中午12点半 入面只得一枱客
咁我地睇完set lunch menu 最后选咗
煎三文鱼扒野菌意大利饭 $128
茄汁鲜虾意粉 $88
套餐送是日餐汤 嘢饮好似要另外加$8
今日就系 椰菜花薯蓉忌廉汤
首先讲吓环境
其实餐厅唔算大
一半系厨房 一半系食嘢嘅地方
只得2张两人枱 同 2张四人枱
所以如果多啲人嚟食都可能要book枱
但当日到我走𠮶刻都系得3枱客
可能餐厅啱啱开业暂时无咩人知
餐厅装修优美 播住嘅音乐亦配合到环境
服务方面
餐厅当日只得一个侍应哥哥招呼客人
由企门口招待客人 到俾menu 点菜 传菜 执枱 收钱都系佢负责晒
侍应哥哥好有亲和力 服务好到位
唔会过于热情 令人感到舒服
详情就自己去感受吓
我估佢应该喺餐饮服务打滚过一段时间😌
最令我惊讶系埋单先知lunch唔需要加一服务费😳
送餐时间
厨房好似得一个厨师
我见到啲餐喺厨房一个出完 等多阵再出下一个
应该系即叫即煮
所以唔算等得耐
不过如果餐厅full晒 就可能要俾啲耐性
如果想快 都唔会嚟西餐厅啦？😅
食物
是日餐汤 - 椰菜花薯蓉忌廉汤 👍🏼
唔系一般罐头忌廉汤
好饮到唔记得饮相
茄汁鲜虾意粉👍🏼👍🏼
我老婆食 但我试咗几啖 意粉好重茄味
不过我钟意意粉干身少少
虾好大嚿 有虾味唔会话雪到无味𠮶只 都有好多嚿
煎三文鱼扒野菌意大利饭👍🏼👍🏼👍🏼
今日嘅主角 唔怪得个餐价钱系set lunch 最贵
三文鱼扒好大块 块鱼皮煎到好脆 😍
三文鱼鱼肉好多汁 好味🤤
意大利饭好好食 唔会太湿亦唔会太干 口感啱啱好
就连条菜（菜心？）都整到好干身好好食🙈
总体食物有酒店质素 但其实系一般餐厅嘅价钱
我普通打工仔一名 无乜机会成日周围食好嘢
亦对食无乜研究😅
今时今日 有人要睇餐厅系咩颜色 先决定食唔食
我就觉得食嘢只系讲 好食定唔好食
食落肚好食就好食 唔好食就唔好食
今餐我就食得出厨师大哥煮菜𠮶份心思
正正因为咁我先想分享多啲人知
依度啲嘢食系 好好食！
临走见到厨师原来系后生仔 可能系老板？🤔
犀利👍🏼👍🏼👍🏼
喺度想同餐厅讲声 加油！
顶住个逆市吖💪🏼
挨过逆市 以贵餐厅嘅质素之后应该长期爆人
希望餐厅到时可以继续keep住依然水准！😋
茄汁鲜虾意粉
$88
22 浏览
0 赞好
0 留言
煎三文鱼野菌意大利饭
$128
20 浏览
0 赞好
0 留言
张贴
