欽記粉麵

营业中

休息中

又系几十年老字号，不过咁多年只帮衬过一两次，事关本人由幼稚园开始就系洪记粉丝，可能因为细细个未懂事，屋企人就经常带我去洪记，有少少情意结挂。钦记既味道、用料、食材、手艺、辣椒油都跟洪记有八、九成相似，但依家全部变晒，越来越差。都唔记得左上一次黎系几时，好似年几两年前挂，今次系第 3 次帮衬啰 ﹗第 1 次好满意，好味 ﹗好似洪记，第 2 次，麻麻地，今次放工专登过黎大埔街市买海鲜，顺道再试，多一次机会您 ﹗依家两点几，好快就有位。鱼蛋鸳鸯加底走葱，跟多碗清汤咁得意既？莫非佢地既清汤系招牌菜？试啖先，无咩特别乍㖞，清汤一碗啰，味道略浓。鱼蛋鸳鸯加底走葱，当然先试个汤底啦，好淡口㖞，又完全无香味，带出唔到食客再想饮既冲动，失败 ﹗点解额外比多碗清汤我呢？而且味道仲浓过依碗汤底，咁奇？系咪比食客自己调较汤底浓淡呢？我会唔会谂多左呢？汤对碗面讲系绝对重要，如果汤底做得唔好，真系无咩心情继续食落去啰 ﹗白雪雪既鱼蛋好有鱼味，劲弹牙，但弹得黎假假地。河粉同熟面不过不失，还可以啦，烚得都满意，过关。总括黎讲，麻麻地，应该都唔再黎喇，抱歉。自家辣椒油，点解咁咸既？唔香唔辣就试得多，但唔辣而偏咸既都系第