三姐松記糖水 (已結業)

松记比我感觉多数都系水果、雪糕捞埋一碗好hea😂原来呢间三姐松记同松记系唔同，多好多创意新款，情况就好似谭仔分左2间咁啦，但三姐就只此一间，而且老板就话所有甜品配料都系自家每日新鲜整，诚意十足架👍🏻紫薯捞河🍠($32)，呢个紫薯甜品虽然冇令人相机食先既吸引力，但系就真材实料够紫薯够天然💜唔似平时用紫薯粉或者色素 🙈紫薯粒加埋浓郁既紫薯酱，仲有爽滑既粗切河粉，个底仲有椰汁，捞匀之后味道好夹，比想像中好食，有惊喜😋芋圆丸($38)，一次过满足晒你几个愿望✨有西米、三色芋圆、薏米同芝麻汤丸，最特别系个糖水底系新鲜芋头打成芋泥，阵阵芋香，芋圆烟韧有咬口，汤丸记得要趁热食，系流心芝麻黎架，但有一粒我留返最后先食就冻左冇流心喇。😂