影片
更多
2009-08-21
94 浏览
呢个布袋澳食海鲜之旅，朋友讲左成个月，开始由六个话去既，最后得3个去，仲要系上次去西贡粮船湾食海胆果3个痴丧。由于怕天气唔稳定，所以选择MTR宝林落车转小巴入去。布袋澳同上次渔村feel 既粮船湾唔同，呢度多左d围村既感觉，仲有得shopping，有d虾干咸鱼买下。据Openrice所记录，呢度有两间酒家选择，但我地无plan定要食边间，只系见步行步。行左阵比发记既员工招左我地入去。入到去，店员安排我地坐系海风送爽，有广阔开扬海景送饭既枱坐低。枱侧边就系海，上面两张相系我个位望到既景色！无耐，店员比左张menu我地，menu上写既系d普通既酒楼小菜，炒粉面饭，唔见海鲜。朋友见到"海胆炒饭"又开始想发癫！落order时，店员话而家唔arm季无得食海胆炒饭，甘我地就唯有退而求其次，想点"发记炒饭"，睇下几"发记"都好，但你估都估唔到以下呢句说话会系店员把口讲出黎！店员话："无发记炒饭。"…哗！呢句对我黎讲好震撼，就好似元朗B仔话无凉粉、池记话无云吞、谢记话无鱼蛋一样！有d O 咀 再问店员有咩呀甘？佢答："杨州炒饭。"我地继续你眼望我眼后，大家决定转战海鲜！希望合得返我地个。店员示意海鲜要
布袋澳同上次渔村feel 既粮船湾唔同，呢度多左d围村既感觉，仲有得shopping，有d虾干咸鱼买下。据Openrice所记录，呢度有两间酒家选择，但我地无plan定要食边间，只系见步行步。行左阵比发记既员工招左我地入去。
入到去，店员安排我地坐系海风送爽，有广阔开扬海景送饭既枱坐低。枱侧边就系海，上面两张相系我个位望到既景色！无耐，店员比左张menu我地，menu上写既系d普通既酒楼小菜，炒粉面饭，唔见海鲜。朋友见到"海胆炒饭"又开始想发癫！
落order时，店员话而家唔arm季无得食海胆炒饭，甘我地就唯有退而求其次，想点"发记炒饭"，睇下几"发记"都好，但你估都估唔到以下呢句说话会系店员把口讲出黎！店员话："无发记炒饭。"…哗！呢句对我黎讲好震撼，就好似元朗B仔话无凉粉、池记话无云吞、谢记话无鱼蛋一样！有d O 咀 再问店员有咩呀甘？佢答："杨州炒饭。"我地继续
你眼望我眼后，大家决定转战海鲜！希望合得返我地个。店员示意海鲜要去水缸自己拣！大家都有好大期望，但去到个所谓水缸…again…水缸area一眼望晒，分分钟系街市既鱼档你会有更多选择！分别就只在，呢度会帮你煮埋…我唔系要食奇珍异兽，海豚鲸鱼，但…唔好得少过10种，系是但一间街市都找到既海鲜比我拣好嘛？同一位好熟悉海产类既朋友企系缸前数十秒，大家都无行动，坦白讲，唔知可以拣咩！
最后，我地叫左扇贝、同店员介绍既圣子半打！店员都示意个半打圣子要成$200，坦白，我地山长水远黎到，只要系好食，你贵d食水d，都抵！鬼叫自己做左半个游客？回到枱，另一位朋友问我地做咩无黎表情同叫左咩食之后，都觉得"下…唔系呀？"见得甘少野食，最后加多左碟蒜蓉炒西兰花…系！系蒜蓉炒西兰花！你无睇错，我地亦无搅错！可想言之，呢度系选择有限！
同之前食家所写既食评一样，d圣子上枱既速度，系说时迟，那时快、系快过你睇晒上面我写既野，就上左。
豉椒炒圣子：我真系好少比出黎，但唔唔得…唔系比味道，系比佢食水深！圣子半打，佢比够打半圣子壳！系壳，唔好睇漏个榖字！而圣子肉，order就6只，都有4只分开6旧比你既。豉椒味ok但唔野味。大佬，我地比$200系想食豉椒炒圣子，唔系豉椒炒圣子榖！
蒜蓉粉丝扇贝：蒜蓉无炒香就甘落，粉丝碎既干身既，扇贝鞋既接近干瑶柱一梳梳既地步，扇贝上无汤或汁，汤或汁或蒸既倒流水系晒碟上面。我无一沉百踩，抵毁佢系蒸既倒流水，而事实我有试过，系无咩味，唔好话无味精，直情无海水味。
蒜蓉炒西兰花：正！如果同上面既马马虎虎、无黎海水味同$200食圣子榖作比较既话…因为佢真系蒜蓉同真系西兰花…
我地极速食完，极速埋单，因为我地作左个极速决定>>>食埋隔离果间！(详情请去海鲜岛页面。)
其后知道呢间野比ar苏系2007年前介绍过都几！唔系话ar苏讲就系一定好，而系出于自己好奇佢有咩比人介绍…究竟系呢度有第二间发记？我地又点唔中镇店之宝？定系ar苏系做媒？于是上网搜寻到…
2007年ar苏介绍：白灼跳螺、豉椒炒圣子、白灼海中虾、辣酒花螺、椒盐濑尿虾、清蒸鲍鱼仔、清蒸蚬、沙姜鸡脚、豆腐鱼汤 >>> 约$1,380 <<<< 哦…sell "抵食" ；系我最唔buy果只"名义价格抵食" …原来我错咀，系人地sell我唔buy既野....
总括而言：正所谓食得咸鱼抵得喝，去得景点就预佢呃，但唔预佢呃呃呃…呃我圣子、呃我期望、呃我"抵食"…如果有人觉得山长水远食d无咩特色，又唔系平既一般菜式都ok的话，我相信那个人绝对可以特登走人机场去食味x拉面！
张贴
