武士拉麵 (已結業)

喺openrice 见到好多人推介武士拉面，好有兴趣黎试吓。佐敦地铁站一出行大约8分钟就到。店面细细地，可能大约坐10个人，但系waiter好好人，一入嚟就招呼我哋。店内嘅拉面都系以日本武士命名，我叫咗德川将军拉面，友人叫咗坂上将军拉面，再叫左饺子。德川将军拉面 - 酱油猪骨汤底，首先试咗佢个汤底先，汤底浓郁，加点武士店长推介的特制鱼油，味道更出。拉面口感适中，唔会太硬又唔会太霖。叉烧入口即溶，肥瘦适中，加送煮到啱啱好嘅溏心蛋10分好味。坂上将军拉面- 蕃茄猪骨汤底，先饮汤底有好浓郁嘅蕃茄，浓郁之余唔会太过酸或者系太过甜，感觉到系煮咗好耐的汤底，用心之作。半肥瘦嘅叉烧加上温泉蛋，再配上软硬适中的面条，不禁令人食指大动，难怪友人几乎饮晒成个汤。饺子 - 饺子煎到啱啱好，啖咪肉。最好味系个豉油，甜甜的，配上饺子味道更出。总括而言，温柔的侍应配上令人大快朵颐的拉面，人生一大享受。