武士拉麵 (已結業)

今次同男朋友嚟到呢一间武士拉面食饭，嚟到呢间拉面餐厅除咗俾佢嘅装修布置吸引之外，亦都俾佢嘅Menu吸引咗。因为Menu嘅菜式全部都系用一啲日本战国武士嘅名来命名，令到成个环境呢都充满着日本嘅氛围。最后男朋友拣咗丰神将军拉面（即四国香葱油汤底)，而我就拣咗足利将军拉面（即黑蒜油猪骨汤底），追加左半熟玉子。先讲丰神将军拉面,拉面汤底充满浓郁嘅香葱油味道，加上加咗大量嘅新蒽喺上面，令到成个拉面嘅味道非常香浓，令人食欲大增。拉面嘅硬度适中，而且叉烧口感良好亦有足够嘅脂肪，非常好味。而半熟玉子亦做到流心效果。而足利将军拉面，拉面嘅汤底加左大量黑蒜油，有浓郁嘅黑蒜油味道之余亦有香浓嘅猪骨汤味。拉面嘅硬度适中而且叉烧味道很好，够淋且入味。而木耳和紫菜这些配料亦相当好味和够份量食咗两碗咁好味嘅拉面男朋友觉得唔够喉，最后追加左一客日式煎饺子。煎饺子嘅质素几好，饺子嘅皮煎得非常香脆，馅料味道好，系日本风味嘅饺子。