影片
更多
2024-04-09
1026 浏览
大大话话我谂都隔咗成年无出嚟踢过波，咁啱有场卫生足球，都喺围内一班老友玩吓。虽然踢得轻轻松松，无乜竞争成分，但踢完都好攰吓，而补充体力嘅最佳方法就梗喺叹个下午茶啦！美孚呢间「炖奶佬」都好耐无帮衬过，因为对上一次嘅用餐体验感觉麻麻，况且，美孚茶记选择多。今次再帮衬都喺同行死佬提议，我就纯粹食个下午茶餐，都无乜所谓。格局方面，咁多年都无变过。下午茶餐嘅选择，一张餐牌底面两页睇晒，轻盈型啲嘅可以拣西多士餐、三文治餐，大份量啲嘅可以拣啲炒粉饭面、意粉焗饭餐。二维码落单，依家大家都熟晒呢个模式啦，唔使多讲。餐具、基本调味料整齐咁放晒喺枱侧，自由取用。双拼三文治餐 $35因为过几个钟就食晚饭，所以，拣份三文治餐就够晒皮，最后拣咗午餐肉拼北海道3.6牛乳炒滑蛋。唔系讲笑，睇相都见喺交足货，首先块餐肉唔会太薄，食得出唔喺平价嘢，而啲炒滑蛋一层搭一层，坚厚，咬落嫩滑有蛋香，就连块面包都喺厚身啲𠮶一款，总之加两蚊烘埋底啦。热奶茶可能由于对杯热奶茶无乜期望，所以，饮落比预期好，虽然未叫做丝咁滑，但喺至少个茶底够醇香。虽然简单食份双拼三文治，但够足料，精神、力气都返晒嚟。所以话呢，行完山，打完波，食个下午茶喺
美孚呢间「炖奶佬」都好耐无帮衬过，因为对上一次嘅用餐体验感觉麻麻，况且，美孚茶记选择多。今次再帮衬都喺同行死佬提议，我就纯粹食个下午茶餐，都无乜所谓。格局方面，咁多年都无变过。
下午茶餐嘅选择，一张餐牌底面两页睇晒，轻盈型啲嘅可以拣西多士餐、三文治餐，大份量啲嘅可以拣啲炒粉饭面、意粉焗饭餐。
二维码落单，依家大家都熟晒呢个模式啦，唔使多讲。
餐具、基本调味料整齐咁放晒喺枱侧，自由取用。
双拼三文治餐 $35因为过几个钟就食晚饭，所以，拣份三文治餐就够晒皮，最后拣咗午餐肉拼北海道3.6牛乳炒滑蛋。唔系讲笑，睇相都见喺交足货，首先块餐肉唔会太薄，食得出唔喺平价嘢，而啲炒滑蛋一层搭一层，坚厚，咬落嫩滑有蛋香，就连块面包都喺厚身啲𠮶一款，总之加两蚊烘埋底啦。
热奶茶可能由于对杯热奶茶无乜期望，所以，饮落比预期好，虽然未叫做丝咁滑，但喺至少个茶底够醇香。
虽然简单食份双拼三文治，但够足料，精神、力气都返晒嚟。所以话呢，行完山，打完波，食个下午茶喺几爽嘅事。
张贴
